El gobierno local el gasta el cantidad de veinte uno millones de pesos para compone con el defectivo edificio del consejo local.
Según que ya gasta ya el gobierno el total de mas de 67 millones de peso na edificio.
El problema allí amo que ya descubrí maga ocupante que tan tulu ya ese edificio y después de todo ya mira sila que ta raja ya algún parte de ese edificio.
Ya queda ya grande el controversia acerca construcción de ese edificio del consejo local.
Y después de maga chequeada del edificio ya decidí ya el gobierno local para compone con el edificio.
Na de ila calculación puede ya el cantidad de nueve punto seis millones de peso para cambia con el aka cuatro piso de cemento y pone ya lang allí techo de sin.
Pero el temblor y tsunami na Japón ya dale idea con el gobierno local para compone ya con ese edificio completamente.
Por eso na palabra pa de ila y de aton, si compone man con ese edificio, compone ya de deberasan.
No importa el gasto.
El importante amo que el puede pa el pueblo usa con ese edificio y evita ya kita peligro el vida del quien ta usa con ese consejo local.
Ya dura ya ese istoria ta habla para compone conese city council. Asta este tiempo, no hay daw contractor local quierre agarra con el trabajo siemdo man lugi daw sila na trabajo. Y otro pa este, ta man sentimiento tamen maga otro local desde antes pa.
ReplyDeleteCuando ya principia sila man cuento que compone y despues construyi conese edificio del consejo loca, no hay puede participa maga otro otro contractor na subasta. Este ya socede ansina siendo ese poyecto ya implementa por medio del ta habla menotiated contract. No hay conese pasa na subasta. Y ahora, segura el original contractor de este city council baka no quiere man constinua y continue con el proyecto, y el deja ya lang conel otro contractor compone conel project que ahora ya discubri sila lleno de defecto.