Abducción de maridable na Baliwasan
Ya tiene ya tamen
incidente de abducción allí na un pantalan na baliwasan seaside ayer madrugada.
Ese baliwasan seaside
hende ese talla lampas na labuan o poco mas o menos 40 kilómetro afuera del
ciudad.
Allá na labuan ya sucede
el abducción de un maestra del año pasad y na vista lang del polis.
Este baliwasan seaside
hende ese talla na sinunuc o poco mas o menos maga ocho kilómetro desde city
hall. Allí na sinunuc ya sucede el abducción de aquel negociante y dueño de un restauran
del maga meses pasado.
Ese baliwasan seaside no
menos de seis kilometro desde centro del pueblo.
Tiene daw allí cerca .estacion
de maga uniforme agente de autoridad.
Ta acorda kita que
después del abducción del Fabella allá na sinunuc yan junta maga na autoridad
para activa sila un sistema para sangga conel maga abductor ta jala gente para
na canto del mar.
Pero ayer madrugada,
dormido seguro aquellos maga quien obligao proteje conel maga vivientes na
ciudad.
No kita habla que como
diutay lang aquel incidente ayer madrugada.
Que simple lang aquel abducción o hende, hende bastante razón para pasa lang
kita por nada conel crimen.
El punto allí amo que ya
sucede aquel incidente y no hay quien ya puede sangga conel crimen.
Tiene allí ta pregunta si
porque si ta sucede ese maga incidente no hay maga polis na lugar.
Y fuera de ese todo ba el
na autoridad ta pensa si cosa deila mandato para proteje conel maga ta vive na
ciudad?
Tiene quien ya cunita
canaton un historia que ya sucede vísperas del abducción allí na baliwasan.
Del sábado madrugada tiene dos maga de edad ta espera triciclo allí
na crossing del tiangue na santa cruz.
El problema allí amo que
todo maga chofer ya pasa allá na lugar ta cobra canila ciento para dos cientos
peso para un viajé de cinco kilómetro.
Tiene allá na santa cruz
un checkpoint del polis,, y este dos señor citizen ya anda para allá na
checkpoint.
A tiempo ya pasa allá na
checkpoint un triciclo y ya manda sila para conel chofer.
Ta cobra canila el chofer
dos cientos pesos como pasaje enfrente del mismo checkpoint.
Uno del señor citizens ya
habla conel polis, ..”Mira tu coneste chofer ta cobra canamon sobra pasaje.”
Siendo no hay hace caso
el ta viste uniforme, ya habla el uno
señor citizen conel otro ,, bueno.. Llama kita conel jefe del mando policía
local.
Y allá alisto ya contesta el uno del cuatro polis talla na
checkpoint.. “na llama camo con Ocampo.”
Desgustao el dos señor
citizen y ya sale sila allá na checkpoint donde no hay sila puede pedí ayuda
contra aquel chofer ta cobra sobra pasaje canila.
Ya encontra sila siempre triciclo
quien ya cobra canila el justo lang pasaje para puede sila llega na deila casa
aquel madrugada de sábado.
Si ansina el attitude de algún
maga na autoridad de aton.. No mas kita pensa algo si porque tiene ves ta
sucede maga incidente donde no hay quien ta puede auxilia o responde conel
necesita ayuda del na autoridad....
CDZ040913
Llegada de maga makina PCOS
Miles ya del maga makina PCOS el ya llega na ciudad.
Este maga makina entendido para maga presinto na peninsula y para provincia de basilan, sulu y tawi tawi.
El usa coneste makina na miles del maga presinto na region para na mayo 13 eleccin.
Antes el eleccion de mano el cuntada del voto… pero este tiempo igual como el eleccion del anio 2010 el computer amo el cunta conel maga vota.
Este mismo makina amo el imbia conel resulta del votation na maga convassing center del ciudad, municipio y provincia..
Y desde este maga convassing center el comelec el imbia conel resulta del eleccion para na Manila.
Este manera de cuntada del balota el hace pronto el eleccion.
Por eso bien importante que segura el comelec que no hay quien mete coneste maga makina puera aquellos quien debe agarra conesos.
Ni polis gane no puede agarra conese.
No sabe kita si algunos ta atraca na makina tiene maga mal intendion para ruba conese makina y ruba conel resulta del eleccion.
Compormesta, debe kita asegura que no hay quien el mete conese maga makina.
Hende kita bien experto si quemado ese maga maga pcos makina ta corre.
Seguro puede kita compra conese pcos como ese maga cellphone ta compra kita na tienda.
Si igual Ese maga pcos makina como maga cellphone el puede ese corre maga makina si pone kita alli el sim card.
Compormeste este pcos makina igual pa seguro conel maga cellphone no hay simcard.
Por eso vicia kita conese maga maga PCOS makina en buenamente.
No hay pa kita historia acerca el maga sim card o memory card del maga pcos machina.
¿??? Cuando conestos maga memory card lleva aquí na ciudad ¿???.
¿??? Quien conese lleva maga memory card alli na ciudad.????
¿??? Puede gaja kita chekia si cosa el laman del ese maga sim card o memory card que el pone sila adentra del makina pcos. ¿????
En este manera puede kita asegura el integridad del makina que el usa kita na eleccion…
CDZ041013
Importancia del PCOS
El corazon na eleccion que el hace na otro mez amo el maga makina ta llama kita PCOS.
Este maga makina hende el usa para escribi conel maga nombre del candidato na balota.
Este maga makina hende el usa para identifica conel maga votante.
Este makina pcos el usa solamente para cunta conel balota del votante.
Durante dia del eleccion, el votante el escribi el nombre de suyo candidato na balota.
Y después el pasa conese balota na makina.
Este makina el lee conese balota y marka na suyo memoria si quien el candidato na balota del votante.
Y después el makina el cunta conel vota del candidato escribido na balota del votante.
Como complicao ese proceso pero para este tiempo de moderno maga cosa puede conese hace el makina.
El makina amo el cunta con todo el maga bota.
Y este makina el imbia conel resulta del eleccion na un presinto para na centro donde el cunta conese todo el makina tamen para sabe el resulta del eleccion.
En este manera el maga maestro y maestra hende mas pasa tormento y cansancio para cunta conel maga balota acabar el eleccion.
El makina ya lang el cunta conel balota.
Seguro en este manera pronto kita sabe el resulta del eleccion siendo computer el cunta conel balota.
Por eso importante que asegura kita que no hay quien el pone maga demonio alli adentro del makina…
Difícil purpia conel makina siendo el hace lang ese cosa conele ya manda hace el gente.
Hende ese makina ta pensa.. el produci lang ese cosa ya manda conele hace el gente…
CDZ041113
Principio del Campania
Ya principia ya del sabado el periodo del campania para el maga candidato local.
El campania para del maga candidato local el corre por cuarenta y cinco dia.
El campania del maga candidato nacional ya principia del otro pa mez y tiene sila sesenta y cinco dia para man campania.
Palta ese dia el maga candidato nacional para anda vicita todo el rincón na pais para dale mira deila cara y persona na maga candiddo.
Otro el situation aquí na maga candidato local.
Hende bien grande el ciudad de Zamboanga y aunque tiene kita 98 maga barangay no hay rason que un candidato hende puede visita con este maga lugar.
Y talli el oportunidad para el publico el tiene oportunidad para mira el escama o que clase el maga candidato ta planta deila cara para servi conel pueblo de zamboanga.
Bastante ya este numero del maga candidato para alcalde , vice alcalde, congresista para del dos distrito y maga concejales para del dos distrito.
Mira kita y oye kita en buenamente conel maga candidato ta atraca canaton este maga dia.
Tiene kita dos clase de candidato este maga dia.
Talli el ya sirvi ya na deila puesto y ahora ta pidi otra vez deaton voto. Mira kita si debe pa estos sirve canaton o hende mas.
Mira kita si debe pa kita canila dale otro oportunidad para sirvi daw sila canaton.
Tiene tamen alli otro grupo de candidato.
Este otro grupo aquel quiere releva conel maga na puesto ya y ya sirve enbuenamente o malamente conel deaton pueblo.
Estudia tamen kita enbuenamente coneste maga nuevo y daan ya candidato.
Ta habla kita que el futuro del ciudad deaton depende na maga oficiales ya eligi kita na puesto.
No hay kita rason para arrepinti conel clase de serivio ta recibi ahora el pueblo siendo kita conese todo ya pone na maga puesto poderoso.
Ahora estudia kita enbuenamente conel maga candidato quien el queda lideres de aton para na tres anios que viente…
CDZ042413
Survey na periodo de eleccion
Tiene una cosa que frequente ta queda controversial durante periodo de maga eleccion.
Este cosa amo el ta habla kita amo mga survey.
Sabe kita si cosa este survey.
Cada vez en cuando talli ese survey que ta hace el nacional statistics office.
Este survey del N-S-O tiene que hace na population, agricultura y otro pa maga aspeto na vida deaton.
El govierino ta usa conel survey del N-S-O para plania programa y proyecto conel pais.
Por ejemplo alli na survey del gobierno ta puede kita sabe si cuanto porciento del population tiene trabajo y cuanto porciento no hay trabajo.
Ta puede tamen kita sabe na survey del N-S-0 si que modo el producion na sector agricultura y pesca na mar. El usa tamen el gobierno el resulta de esta clase de survey para plania proyecto para sector privado.
Bien extensiva el survey ta hace el gobierno siendo ta procura sila incluyi todo el populación na pais.
Tiene tamen alli survey donde maga compania quiere sabe el preferencia del publico. Quiere el compania sabe si cosa clase de producto ta prefiri el publico,, como cosa clase de jabon quiere sila usa o cosa clase de comida quiere sila compra.
En este clase de survey,, tiene vez el compania ta manipula conel survey para convinci conel publico para compra deila producto.
Durante este tiempo de eleccion tiene tamen quien ta hace este maga survey.
Natural hende ese bien completo maga survey.
Por ejemplo else pulse asia survey o el social weather station survey ta escoje lang con quien sila ta pregunta question.
Y hende sila ta puede llega lejos na deila survey.
Por eso en este amga survey aunquio tiene el pais populación de cerc 95 milliones de viciente na pais, ta pregunta lang sila na maga dos miles de persona na deila survey.
Por eso ta cuestiona sila el resulta de este maga survey que ta hace durante eleccion.
Junsto aquel un candidata para senador cuando ya habla ele que maga candidato y el pueblo no pone de serioso na resulta del maga survey.
Talli ya gane el palabra que facil lang manipula el resulta de este maga survey.
Por eso no kita perde suenio na resulta del survey que ta planta canaton alun maga de interest aquí na ciudad…
CDZ042514
Maridable muerto na Talontalon
Ayer tarde, dos desconocido persona ya tira con un maridable alli na talon talon.
Maga criminal ta munta daw motorciclo cuando ya atraca sila conel hombre y mujer alli lang na canto del camino cerca na mismo escuela de talon talon.
Valiente el maga criminal.. y por eso maga residente de talon talon ta tembla de miedo na incidente.
Cerca el lugar del crimen na escuela y talla el peligrro el el bala ya tira el criminal conel dos victima deila el tupa conel maga bata na escuela.
Talla tamen maga ventero y ventera na lugar cuando ya sucede el crimen.
Valiente deberasan aquel maga criminal para mata conel dos negociante y negociante ya para alla na lugar.
Na primer report ya recibi kita que aquel maga criminal maga ladron tamen.
Ya dale el polis de tetuan deila conclusión que el criminal maga ladron.
Ya saca sila el bag del maga victima que ta contiene dies miles de pesos .
Y puera de ese bien armado tamen el dos criminal.
Según ya basio del maga bala ya queda na lugar el maga criminal ya usa dos clase de fusil.
Un fusil el calibere cuarenta y sinco pistola.
Y el otro fusil , según na basio, un nine millimeter pistol o ta llama kita nine m-m.
Ansina lang era ya cay el historia,, que valiente el maga criminall.
De mas temprano ta habla kita que debe maga polis de aton esta valiente y bien armado para coge maga criminal.
Pero no hay kita habla que el polis puede queda criminal.
Como ansina man ta abuya el historia acerca aquel matanza alla na talon talon ayer…
CDZ042613
Menora daw el blackout
EL menora ya daw el ora de maga blackout principiando mayo tres o na otro
viernes.
Ya dale este historia canaton el mismo alcalde del ciudad celso lobregat.
Según conel alcalde ya aprova ya daw el energy regulatory comisión el compra de
corriente del zamcelco conel mapalad un compania ta produci corriente na iligan.
El historia alli amo que aunque necesita el ciudad corriente el busca pa el zamcelco con
quien sila puede compra electricidad.
Y al encontrar sila compania quien el puede sila compra corriente, hende ese puede
compra dayun conel corriente igual como ta compra kita cellphone na un tienda.
Na palabra pa del maga ansiano,, na sistema de gobierno de aton, mucho pa alli el ta
habla che che boreche antes de puede el zamcelco compra corriente na mapalad.
Ya oyi ya kita este historia de compra corriente desde mapalad del maga semana pasao,,
pero historia lang gale akel.
Necesita pa gale el zamcelco pidi permiso conel un agencia de gobierno na Manila antes
de puede ya serra el compra conel mapalad.
Si por ejemplo gale no hay aproba este agencia que compra kita corriente na mapalad…
quiere decir el continua kita sufri blackout este maga dias, como ta sufri kita ayer,
anteayer,, el al maga ayer ya ulvida ya kita.
El blacout na ciudad talli ya ese ya puede anticipa el pueblo..
El problema alli amo que aunque ya anticipa ya conese blackout no hay quien ya puede
hace precisio que busca manera para menora este peste na de aton vida.
Ojala que na viernes hende mas el pueblo sufri na blackout como ta sufri kita este dia, el
sufri maniana sabado, pasao maniana domingo y na maga dias que viene antes el pecha tres de mayo na otro mes.
CDZ041113
30 dias ya lang para eleccion
De apuro ya el campania del maga candidato local para na mayo 13 eleccion.
Compormesta, tiene ya lang 30 dias antes del mismo dia de eleccion.
Maga candidato debe anda visita conel maga votante na maga barrio na ciudad.
Debe maga candidato manda conoce conel publico canila, dale mira deila cara y persona y
explica si porque sila quiere servi conel pueblo.
Hende todo del maga viviente puede acorda si quien quien este maga candidato.
Por eso ta deja el gobierno conel maga candidato prepara maga materiales del campania.
El mas common material amo ese ta hace bitay maga papel, tarpaulin y otro maga maga
materiales que tiene el cara del candidato y suyo nombre y del partido deila.
Hende ese maga candidato ta anda lang pidi conese maga materiales na tienda.
Ta paga esos sen para produci ese maga materiales.
Ta paga ese sila maga gente para pone deila maga materiales de campania na camino y
donde se debe pone conestos.
Poreso ta observa kita que compormesta con gana el maga candidato pone conestos maga
materiales na publico tiene tamen alli con gana destrosa conese materiales por un rason y
otro.
De aquel dia maga polis ya empleyado del comelec con gana destrosa ese maga materiales
na camino y alla na plaza pershing.
Y puera de destrosar conel maga materiales ta confisca tamen sila coneste maga posters y
otro pa.
Sen ese del candidato y tiene ta habla baka aquellos quien ta destrosa conesos maga
empleyado o na payroll del contra partido candidato.
Tiene seguro manera para implementa el ley na uso de este materiales sin destrosar
conectos y buta lang na basurajan.
El intencion de ese maga materiales amo para educa conel publico si quien quien el maga
candidato.
Por eso como lastima kita mira ta destrosa lang conesos maga materiales na camino.
Total acabar el eleccion el perde lang man ese alli donde ya pone canila.
Porque man tiene alli na gobierno ta acaba el resuelo deja conel publico ignorante si quien
quien el maga candidato ara na ciudad…
CDZ031213
Junta para mejora region
El Maga diferente sector na Mindanao debe man junto junto firme para discuti manera para mejora situation na region.
Talli maga grande grande problema que no puede resolve solamente al gobierno local.
Necesita ya entra maga diferente sector para ayuda pensa y empoja maga solution coneste maga problema.
Por ejemplo na problema de blackout na ciudad, mucho alli manera para alivia coneste condicion.
El maga diferente sector el puede sugeri solution.
Talli tamen el problema del guerra na sabah.
Puede este maga sector ayuda conel gobierno busca manera para resolve conel problema.
Ta habla sila ,, two or more heads are better than one.
Que quiere decir mas mucho cabesapensante mas mucho solution puede kita busca para resolve problema.
No kita pensa que un persona solamente como lider de un lugar puede resolve maga problema.
Mas bueno mucho maga propuesto solution, que uno solamente resolution…
CD040413
Ventaja del Philhealth
Grande ventaja ese phil health card na mano de aton.
Este philhealth un agencia del gobierno que ta hace sen conel publico.
En cambio del pago na deila oficina,, ta dale tamen sila seguridad o insurance conel miembro del philhealth.
Este philhealt un grande ayuda si guinda kita na hospital.
El agencia el paga cosa kita ya gasta na hospital.
Hende todo ta puede logra coneste ventaja ta dale canaton el gobierno.
Aquí na zamboanga el gobierno local ta dale miles de maga philhealth conel maga vivientes na lugar.
Pero cuando ya sinta el nuevo administration na Manila, ya mengua sila conel maga miembro de este philhealth.
No hay explica en buenamente el gobierno na Manila si porque no quiere sila que el gobierno local dale coverage de philhealth conel maga ta vive aquí na zamboanga.
Puera de ese ta dale el gobierno local, ta dale tamen canaton el maga politico este maga philhealth card.
El problema lang amo que tiene termino este maga card.
Hende este maga card para de eterno.. y ta remina este maga card después de uno o dos anio.
El gobierno tiene bastante pondo para dale libre na publico este ventaja del philhealth.
Deber del gobierno dale bastante ayuda conel maga viviente del pais na asunto de salud.
Roga kita que el maga que sigi elegido oficiales del ciudad y del pais el dale bastante ventaja o beneficio con todo necesita que anda na maga hospital y busca alivio desde deila maga enfermedad… PAUSE..
CDZ040313
Llegada de PCOS
Ya reporta kita ayer aquí que ta llega ya maga makina PCOS que el usa el comelec
para na eleccion na mayo.
Este maga makina talli recogido na un grande bodega na santa maria.
Ta imbia el comelec na Manila con este maga makina para aquí na ciudad de
Zamboanga.
Desde zamboanga el lleva conestos maga makina para na maga provincia aquí na
peninsula.
El lleva tamen conestos maga makina para alli na basilan, sulu y tawi tawi.
No hay pa quien ya explica canaton si cosa cosa el laman de ese maga makina de
picos machines.
Posible maga makina pa lang esos y hende pa esos puede usa para na eleccion.
El ya oye kita,, no hay pa ese maga memory card.
Quiere decir, ese makina makina pa lang,, pero no hay pa ese maga memoria o
pensamiento como se debe para puede ya usa na eleccion.
Para hace mas claro ,, todo ese maga pcos makina en dos parte.. el makina mismo
y el memoria de esos.
Talli ya ese maga makina alli na bodega.. talli ya maga polis ya soldao ta visia
conese..
Y este dia ya sabe kita que talli tamen maga tanke que ta vicia conese maga
makina.
Pero no hay pa ese maga makina deila maga memoria.
El maga sabe na computer el entende cosa kita ta conversa.
Que quiiere decir.. talli ya el computer pero no hay pa sila pone conel hard drive alli o operating system alli.
El ya oye kita,, tiene pa quien el lleva conel maga memory cards de esos maga
makina para aquí na ciudad antes cuanto dia de eleccion.
El poner conese memory card alli,, el puede ya ese makina recibi, balota, cunta
balota, y todo pa cosa kita queire que hace ese makina.
Ese memora card amo el pensamiento del makina.
El pregunta aquí amo, quien el vicia coneste maga memory card.. que no hay pa
aquí na ciudad.
Quien el vicia conese maga memory card que el dicta conel resulta del eleccion
CDZ040213
PPCRV
Talli pa siempre el ta habla parish pastoral council for reponsible voting o el
ta habla na mas corto el P-P-C-R-V.
Ya dura ya este grupo ta vicia y ta ayuda conel proceso de eleccion na maga
eleccion del anio pasao.
Este grupo ta inclui maga padre, madre, maga estudiante, jóvenes quien ta
ayuda conel grupo hace deila mandato.
Este maga tiempo este grupo ta busca pa maga voluntario pero siendo
tiempo vacaion ahora, mucho alli maga estudiante quien el quiere participa
na deila actividad.
El eleccion es un sensitivo proceso para escoge kita maga oficiales de aton.
Este maga dia,, talli ya maga candidato quien ta man campania na pueblo.
Tiene de esos como con confianza ya que ya gana ya na eleccion.
No hay pa gane acaba el tiempo del campania, pero tiene alla ta habla que tiene ya sila miles de voto na deila bolsa.
Este un rason si porque necesita kita un impartial grupo quien el vicia y ayuda maneja conel eleccion.
El comelec talli ya tiene deila board of eleccion inspectors que el pone sila na maga precinto na ciudad.
Este maga del board el ayuda y guia conel maga votante adentro mismo del precincto.
Pero maga votante el enfrenta siempre problema afuera del presinto,, y por eso talli ese ta organiza sila P-P-C-R-V.
El ayuda esos conel maga votante busca deila precinto.
El ayuda esos conel maga votante para guia canila que modo prepara el maga balota.
Hende esos maga miembro del grupo man jutik contigo para con quien vota candidato.
El votante debe decidido ya si quien suyo candidato antes de anda na presinto.
Por eso el mandato del P-P-C-R-V amo para ayuda conel votante.
Hende deila trabajo para ayuda conel maga candidato.
Y debe sila abri deila maga ojos para mira que esos maga pillo, que por mal costubre, ta ruba DAW reSulta del eleccion del maga anios pasao hende mas puede roba voto y puesto na mayo 13 de este anio… PAUSE…
CDZ032713
Campania ya principia ya
El principia ya el campania del maga candidato local na sabado.
El tiene este maga candidato poco mas o menos 35 dia para convincia conel maga votante para vota canila.
Del otro mes ya vene ya aquí algun maga candidato para senador. Seguro hende pa kita conoce conesos maga candidato para senador.
Tiene alli maga nombre conocido ya kita daan. Tiene alli maga nombre maga nuevo lang kita ta oyi.
Ventaja para conel candidato que conoce el publico deila maga nombre.
No importa si no sirve nada el candidato basta ta acorda lang kita canila. Total el gente el puede vota conel candidato conoce sila.
Otro el historia aquí na eleccion local.
Aquí debe kita conoce conel maga candidato.
Puera de debe conoce kita debe kita sabe si cosa el escama na pies de estos maga candidato.
Igual como ta mira kita el escama na pies del maga gallo antes de pone kita adentro del gallera, debe tamen kita sabe el escama del quien ta pretende alli sirve canaton.
Tiene kita seguro manada candidato que el pidi deaton voto para continua sila logra y goza na deila maga puesto.
Talli maga candidato na deila ya daan puesto que no sirve nada na deila trabajo.
Tiene alli maga candidato si ta mira kita completo el parte del cuerpo pero no hay cabesa para pensa cosa el bueno para na ciudad.
Tiene tamen alli maga candidato que aunque na puesto ya sila ta ocupa.. no quiere lang usa deila abilidad para mejora conel ciudad.
Y tiene tamen alli maga ya sirve ya canaton quien ya mira kita que no sirve nada como servidor del pueblo.
Tiene tamen alli maga candidato pretendido sirve canaton.
Manada alli maga pretendido que lleno de promesa para canaton.
Y tiene alli maga candidato que ya dale ya mira deila abilidad conel pueblo.
El puesto na gobierno hende para sirve sila algun maga amo deila.
El amo del maga servidor na gobierno amo el publico aquí na ciudad de Zamboanga.
Abri kita de aton maga ojos durante el tiempo de campania.
El pueblo ta recibi el clase de gobernanza que ya vota sila na puesto.
No hay kita rason para reclama ahora siendo kita conesos ya pone na puesto como oficial deaton aquí na ciudad… PAUSE…
CDZ032613
Martes Santo
Este dia el ta habla martes santo.. todo parte del semana santa.
Como aquí na Zamboanga tiene quien ta ulvida ya el significación de este maga palabra.
Durante ese miércoles de ceniza el padre ta pone ceniza na frente del maga devoto. Ese ritual ta hace acorda conel devoto el palabra ta corres na ingles.. from dust we are and to dust we return.
O na chavacano.. estaba dita de polvos o ceniza y el bira kita para polvos o ceniza. Este ocasión ta hace acorda conel devoto que aunque completo ya el necesidades deaton na vida o sobra sobra ya tiene kita,, por fin el bira lang kita na polvos.. al morir el cuerpo y derretí este para keda fino tierra.. como polvos y ceniza.
Ta principia el semana santa na domingo ramos..y después talli el lunes santo, el martes santo, el miércoles santo, el jueves santo, el viernes santo, el sabado gloria y el domingo encuentro.
Cosa cosa el signification de este maga dia y actividad.
Del domingo ramos el maga iglesia lleno de maga devoto ta lleva maga palma como aquel ojas de coco y otro pa maga na igles palms o palma.
Ese dia ta manda canaton acorda el dia si Jesu christo ya entra na jerusalem y ya encontra conele maga seguidores desuyo cargando maga palma o ojas de palma.
Y después de aquel dia,, talli el lunes, Marte y miércoles santo.. hende kita ta acorda si donde parte este tres dia escribido na Biblia.
Pero ese jueves santos amo daw el dia ya aresta con Jesús el maga contrario y traidor conele.. y después de maga falso testimonia el maga padre de aquel tiempo.. ya condena conele para mori na cruz.
Según na observación del iglesia catolico,, ya pasa si Jesús na calvario donde ya sufri ele algo na golpe del maga suyo maga enemigo,, hasta por fin ya crucifica conele na cruz.
Ta habla sila el dia del crucificacion amo aquel viernes.
Ese dia sabado gloria.. amo daw el dia done si Jesé christo ya subi daw na cielo y na gloria.
Y el domingo encuentro amo daw ta significa donde yan encuentro si Jesús con suyu nana.. el la virgen maria.
Na moderno situation,, como complicao este maga soceso y del maga dia donde ta celebra el maga devoto pero talli ya ese.
El importante amo que ta acorda kita este maga dia conel señor Jesé cristo.. ta acorda kita que ya sufri ele para hende mas daw kita sufri.
Y después este observación de semana santa ta dale mira que después de todo maga sufrimiento.. libre ya kita na sufrida na mundo.
Ya habla gane si Jesús na un historia na biblio..na ingles ya habla ele.. in my fathers house,, there are many mansión.. i go and prepare a place for you.
En chavacano ya habla ele == na reyno del dimio tata manada alla maga cuarto,, el anda yo alla para prepara lugar para de tuyo.
Un pilosofo o purfiao na suyo maga uban ya duda suyo palabra.. por eso alisto si Jesús ya habla.. “si hende este deberas.. el habla ba yo caninyo ansina.??
Por eso el quien quiere cree.. puede cree.. el noquiere.. no puede kita forsa.
Pero no hay si Jesús habla que si quere tu.. pasa tamen tu tormento y crucifica contigo tamen na cruz…
CDZ032513
Semana Santa de campania
EL el principia ya el campania para del maga candidato local na sábado.
Era el principio del campania na viernes, pero ya cay ese dia como un fiesta oficial siendo ya cay ese na dia conoce kita como viernes santo.
Seguro hende ese afecta grande conel campania, siendo mayor parte del maga gente sabe ya man si quien quien maga candidato.
Tiene alli maga candidato maga buevo pa lang, pero tiene alli ya dura ya kita el maga cara del maga anios y anios pasao.
Por eso conoce ya kita conel mayor parte del maga candidato.
Aquí na ciudad el eligi kita un alcalde ,
Tiene kita tres ya lang gaja candidato para alcalde siendo no hay mas man kita oye largo historia del uno pa candidato era.
El elegi tamen kita un representante para distrito uno y otro congresista para el distrito dos.
Igual conel alcalde el eligi tamen kita un vice alcalde.
Y después el eligi tamen kita ocho maga concejales cada un distrito o el total de dies y seis concejales para hace leyes para del pueblo.
No mas kita dale comentario largo acerca este maga candidato.
Conoce ya kita si quien de estos ta hace deila trabajo.
Conoce tamen kita quien de estos no sirve nada como un oficial del comunidad.
Principiando este maga dia.. debe kita estudia enbuenamente conel maga candidato deaton.
Quiere ba kita progresa el ciudad de zamboanga ¿??
O quiere ba kita que el zamboanga esta lang firme kulalit comparando maga otro progresivo ciudad na region, na mindnao o na entero pais… ¿??????
CDZ032213
Campania contra tricycle daw
Ya principia el mando policia local y el land transportation office deila campania contra maga
colorum tricycle na ciudad.
Este campania hende lang basta basta siendo el resulta este na un grande cambio na sistema de transportation aquí na ciudad.
El campania del police y L-T-O contra maga colorum tricycle.
Este ta habla colorum siendo no hay estos maga frankisa o permiso para man negocio de transportación na ciudad.
Talli este maga colorum tricycle siendo de compianza el maga dueño que hende canila coge el maga na autoridad este maga dia.
Comfiansa el maga dueño de este colorum tricycle que hende canila hace nada el na gobierno.
Colorum este maga tricycle siendo victima gaja tamen estos del sindicato ta produci frankisa alli na city hall.
Ya aresta ya el polis conel tres suspechao en este sindicato. Y según na report ya guinda canaton, ya puede ya daw estos maga suspechao paga fiansa deila.. na cerca media milliones de peso cada uno.
Seguro el aresto de este maga suspechao el curta ya el rama de este sindicato. Este fuera si talli pa na puesto algun del maga enbuelto en este crimen.
Maga bright esos na detrás del sindicato y hende kita basta basta lang pone conesos na calabozo.. Seguro tamen akel maga ya aresta maga polis inocente na cosa ya ta pasa na hacidad de este peke frangida.Pero el corte ya ese cuidao canila.
El resulta del deila pendejadas,, o akel quien na detrás de ese locuras debe contesta conel na autoridad. El alcalde celso lobregat ya habla este dia que el borra o eradica ele conel corruption aquí na ciudad. Bueno ese para oye y para na orejas deaton.
Por eso ese campania del l-t-o y polis bueno para del pueblo.. y para del maga pasajero victima del maga ta cobra sobra pasajes si ta munta sila tricyle.
Pero de mas temprano ta habla kita que debe fuerte el corazon del maga polis y del L-T-O na deila campania contra coneste maga colorum.
Según na record alli na city hall, na siente cientos lista de tricycle registrao canila del otro anio,, solamente cuatrocientos el yan renew deila frankisa.
Aquí lang sabe ya kita que tiene alli no menos de tres miles de tricycle colorum tan viaje na camino.
Y si sigi kita na historia de algun maga dueño de tricycle que tiene ya aquí na ciudad no menos de 20 miles de tricycle,, mas mucho pa gale colorum que puede coge el na autoridad.
Tres miles el no hay registra.. y el dies miles del talli lang tan viaje sin frankisa un grande numero.
Sobra sobra ya el tricycle aquí na pueblo.. mira tu alli na canto canto del camino,, talli t aman parking docena y por docena hende tan viaje.. tiene del maga chofer de esos talli lang ta juga baraja y akel tongits.
Tan balus ese na pasajero por medio de overcharing.
Era el ta hace lagas conel maga colorum tricycle el chekia tamen conel tan overchage deila maga pasajero…
CDZ032113
Colorum trike amenaso
El gobierno local ya forma un grupo para man campania contra maga tricycle ta corre y tan negocio sin propio frankisa.
Este maga colorum tricicle un grande amenaso conel publico ta munta canila para man viage na un lugar para otro lugar.
Siendo maga colorum este maga tricycle, no hay estos insurance y nada de protection conel maga pasajero. No hay tamen protection el chufer ta maneja conel maga colorum tricycl en caso de maga accidente.
El tautin en esta clase di situacion amo el dueño del tricycle quien no hay saca frankisa para man negocio en este clase de porlavida.
Actualmente poco largo este historia del tricycle na ciudad.
Del maga anio 1960s talli pa na pueblo ese ta habla sila calesa. Este calesa como un cariton alto y ta jala el caballo. Si mira tu na maga retrato del ciudad de antes mira pa tu conese calesa. Si ahora quiere pa tu mira calesa anda tu alla na ciudad de lamitan siendo talla pa tiene sila calesa.
El mismo anio 1960, tiene tamen no menos de dos cientos maga taxi aquí na ciudad de zamboanga. Talli el yellow taxi que color amarillo y talli aquel ta habla sila apex taxi que el color colorao y blanco.
Vivo aquí aquel tiempo el calesa y taxi..
Pero ya perde lang este maga modo de transportación de antes – el calesa y el moderno transportación.. el taxi cuando ya principia man negocio el tricycle na ciudad.
Ta tiene miedo el caballo conel sunor del tricycle y como ta man waras el caballo na camino el pasar conel junto el tricycle. Por eso no hay dura,, ya devolve ya lang conel maga caballo na deila cuadra y ya man calawang ya lang maga calesa.
En el historia del taxi,, el maga tricycle ta cubra langa pasajes de dies centavos, veinte cinto centavos y cincuenta centavo para man viage na un lugar para otro lugar.
Por eso yan calawang ya lang tamen maga taxi na canto camino.
Y ahora siendo no hay mas el maga calesa y taxi.. ya domina ya el maga tricycle na ciudad.
Que ver tu.. un chofer el cobra dos miles de pesos desde pantalan para parada de bus alli na guiwan.. puede lang kita abla na chofer.. que harangan y que abusao.
Según na records na city hall tiene lang aquí mas de siete miles de tricycle y solamente cuatro miles de estos yan renew deila frankisa. Quiere decir si sigi kita coneste record.. tiene no menos de tres miles de maga triciclo ta corre na pueblo sin frankisa.
Pero hende ese exacto numero del maga tricycle na pueblo..
Si pregunta tu na maga chofer el habla sila que tiene ya sila no menos de 20 miles de tricycle na pueblo..
Que quire decir si mengua kita cuatro sientos na viente miles de numero de tricycle ,, tiene kita no menos de dies y sies miles de colorum tricycle aquí na ciudad este maga dia.
Conel montonadas de tricycle .. escaso ya el maga pasajero y por eso ta cobra ese maga tricyle sobra sobra pasajes.
Este maga envuelto na negocio de tricycle colurom,, puro ta viola ley y maga criminal siendo el violación del ley un crimen. Maga chofe no hay licencia ta viola ley.
Aquí lang na historia del maga colorum tricycle,, tiene ya kita miles de criminal na pueblo..
Por eso si quiere kita establese paz y orden na ciudad.. hace kita lagas conel maga criminal… PAUSE…
CDZ032013
Milgroso palabra desde Concejo Local
El concejo local ya puede abri el pensamiento este dia para pensa un manera para
apacigua conel ira del pueblo contra el sin descanso blackout na ciudad.
Ese blackout un clase de cancion que tuka que tuka lang kita aquí na Zamboanga.
Na ingles ese ta habla que este asunto de blackout un clase de broken record.
Mucho ya alli maga plano para menora el blackout na pueblo que ya principia desde
el maga anio ya ulvida ya kita.
El ta acorda kita no hay kita tiene tiempo largo donde ya logra kita tiempo sin
blackout. El ta acorda kita amo que este blackout como almuerzo , comida, y zena ya ese deaton.
Como este maga dia… ta llega maga cuatro hora el blackout na pueblo si didia y ansina tamen cuatro o mas hora si de noche.
Si pensa pensa lang kita porque man tiene blackout de noche siendo serrao man amga tienda grande na pueblo, serrao man maga oficina y ta durmi ya man maga gente na casa.
Pero porque man tiene kita blackout alas siete o alas ocho del noche hasta media noche o madrugada.
Ta oyi ya kita maga explicación, pero hende kita ta entende este maga explication.
El difícil kita entende amo porque de noche ta man blackout masquin dormido ya maga gente na pueblo y no hay mas ta usa luz, televisión y otro pa maga equipo ta usa ese maga ora del maga buruju.
Pero no mas kita man bira bira este historia que hende canaton lleva omento corriente masquin alas doce ya del noche.
Y este dia tiene kita historia donde el mismo presidente del zamcelco si bong atilano ya promete que hende mas tiene blackout na otro mez. Ojala deberas ese suyo promesa.
Pero birando alli na concejo tiene daw alli plano para estudia el posibilidad de comprar generador para kita mismo produci ese corriente.
Baka ya ulvida el maga concejales el palabra del maga officiales durante aquel power summit que gastoso el compra y manejada de ese maga generador.
Antes el gobierno amo el ta produci corriente para na de aton ciudad. Como antes talli ang Zamboanga power Light bajo na gobierno local que ta produci corriente usando ese hydroelectric plant na pasoannca.
Después ya tiene kita conel zamcelco que ta maneja conel electricidad na ciudad Y tiene sila maga generador ta produci deberasan corriente.
Durante tiempo del presidente ramos, ya aprova ele un ley que ta prohibi conel gobierno incluido maga cooperativa para produci corriente.
Si ramos na suyo ley ta llama epira law.. ya declara que el producción de corriente debe solamente na sector privado siendo no sirve nada el gobierno produci corriente.
Y ahora ya mira kita que modo el sector privado ya palta corriente para na Mindanao. Cosa ta habla si ramos este maga dia.??? Nada ¡!!!
Talli ese ley epira para proteje el interests del sector privado para apodera coneste clase de negocio.
Para hace mas corto el historia.. habla ya lang kita acerca este plano de comprar generador.. thanks and no thanks…
CDZ031913
Celebración del maga Bombero
El bureau of FIRE protection ta celebra este mes de marso como el FIRE prevention month.
Que quiere decir este mes el maga bombero ta man campania alli conel publico para esta alerto contra quema que ta destrosa algo na comunidad.
El fuego una cosa que beneficiable para canaton.
Ta dale este canaton luz y calor.
Ta usa kita conel fuego para coce de aton comida.
Actualmente el discurrida del fuego y el uso del fuego amo un grande ayuda conel civilización del carne humano.
El presente civilization del maga gente na mundo depende conel propio uso del fuego.
Actualmente el fuego parte na deaton vida.
Conce kita conel fuego que ta arde enfrente de aton.
Pero el fuego talli tamen escondido na diferente materiales na mundo.
El secreto na progreso del humano y del civilization depende na propio usa de este misterioso parte del mundo y dela vida deaton.
Pero igual como cosa no puede kita cuida enbuenamente… el fuego ta causa tamen destroso.
Ta destrosa el fuego conel maga casa y cosa ta puede quema.
Y el quema hende ta escoge lugar, gente o animal.
Como importante el fuego na deaton via abri tamen kita aton ojos conel otro lao de este elemento na deaton vida.
Por eso asegun conel maga bombero que ta empoja coneste FIRE prevencion month. Usa kita y visia kita en buenamente conel maga fuego na de aton vida…
CDZ031813
Summit na Paseo
Ya tiene alli na paseo del mar el ta habla power summit del viernes.
Este power summit un junta del maga alto alto officiales del ciudad , departamento de energia y el Mindanao development authority.
Ya atende tamen alli maga diferente sector del ciudad afectao conel serie de blackout ta sucede na ciudad.
ya man cuento estos maga oficiales si que modo el situation del corriente na region.
Ya explica sila si quemodo tamen ta enfrenta el maga consumidor coneste blackout donde donde parte na Mindanao.
Ya tiene alla propuesto solution para menora o descansa ya este blackout na ciudad.
Este maga propuesto solution necesita negociation conel maga otro planta que ta produci tamen corriente alli na Mindanao.
Talli lang man gale este maga planta de corriente que tiene pa sobra maga corriente para vende canaton.
Si no hay vene aquí canaton el secretario de energio carlos petilla, hende quita sabe que tiene pa gale otro con quien puede kita compra corriente.
El pregunta alli amo si porque no sabe kita este condiccion del corriente na Mindanao, que tiene pa para compra kita- si quiere.
Natural que el maga otro cooperativa ta pasa tormento de blackout el procura tamen compra corriente deste este maga planta ta sobra producción.
Ta entende kita que solamente el secretario petilla ya discubri coneste sobra corriente ta produci maga compania.
Que quiere decir el secretario petilla ta man research acerca suyo trabajo.
Puede kita siguro busca maga rason si porque tiene deaton na zamcelco no sabe este clase de situation.
Pero talli ya ese…
El importante aquí amo que debe negocia el zamcelco coneste maga compania si puede pa kita compra corriente canila.
Y ante de negocia sila, , debe tamen pregunta sila conel publico si cosa sila ta pensa acerca este situation.
Por eso el alcalde celso lobregat ya adverti conel zamcelco que consulta ya sila conel publico acerca cosa sila quiere hace para resolve este problema.
Debe seguro algun maga oficial de zamcelco concentra anay na deila trabajo para resolve problema de blackout na ciudad.
Hende ese bueno para con todo na ciudad si el discubri kita que tiene de aton maga servidores del pueblo ta dormi lang na deila trabajo…
CDZ031513
Power Summit
Ya tiene alli na paseo del mar el ta habla power summit.
Este power summit un junta del maga alto alto officiales del ciudad , departamento de energia y el Mindanao development authority.
Ya atende tamen alli maga diferente sector del ciudad afectao conel serie de blackout ta sucede na ciudad.
Enantes ya man cuento estos maga oficiales si que modo el situation del corriente na region.
Ya explica sila si quemado tamen ta enfrente el maga consumidor coneste blackout donde donde parte na Mindanao.
Ya tiene alla propuesto solution para menora o descansa ya este blackout na ciudad.
Todo el corriente ta sale o producido de maga generador.
Alli na lanao, ta usa sila cosa cosa para produci corriente, agua, crudo, carbon y otro pa.
Ta usa sila alli generator.
Kita aquí na Zamboanga ta usa tamen generator.
Antes bastante el generator aquí na zamboanga para produci corriente.
Y después cuando ya llega aquí na ciudad el corriente, ya vende kita todo conese maga generator.
Aquí na ciudad maga grande grande planta ta usa tamen deila maga generador.
Masquin maga grande y diutay tienda aquí na zamboanga ta usa tamen maga generator.
Pero el mismo zamcelco no quiere pensa generator.
Porque man el zamcelco quiere lang compra y vende corriente???.
Por que man el zamcelco no quiere produci corriente.
Este blackout del otro anio pa ese.
Pero no hay sila hace alli mejora para produci corriente usando generator.
Y ahora el otro pa agencia de otro lugar ta ofrece canaton generator.
Simple lang gale el solution del blackout aquí na pueblo.
Produci lang generator para produci corriente y perdido ya ese maga blackout…
CDZ031313
Roxas na Tawi Tawi
Este dia el secretario mar roxas ya puede anda na tawi tawi para mira el situación na provincia.
Talli ta llega maga deportado desde sabah y aquellos ta escapa na guerra alli parte na sabah.
Del otro viernes yan encuentro ya alli maga soldao y polis malayo contra maga seguidores del sultan de sulu na lahat datu.
Según na report ta llega na pilipinas maga malayo ta entra lang aresta y mata conel maga hombre tausog alli na sabah.
Ya reporta el media na sabah que manada ya sila ya mata seguidores del sultan.
Pero ta reporta tamen el maga gente del sultan que como intacto pa sila alla na lahat datu.
Natural que este maga tausog y filipino na sabah no quiere que man umit sila na guerra.
El mas cerca lugar para corre sila alli na tawi tawi.
Tiene de estos estaba ya sabah hende mas de alli na tawi tawi.
No hay mas esos puede anda otro lugar.
Y siendo talli esos no hay trabajo. El man problema estos na deila por lavida.
Na ingles pa este .. puede kita abla,, this is a disaster in the making.
Ya habla ya el departamento de salud que palta sila maga gente y supply de medecina na tawi tawi.
Palta tamen sila lli comida.
Y siendo con susto esos ya sale na sabah.. alamagung esos na enfermedad.
Con hambre esos alli na tawi tawi. Enfermo esos na tawi tawi..
Y quebrao el pensamiento de esos siendo no hay sila donde puede anda trabaja.
Natural desperado esos maga deportado talla na tawi tawi.
El gobierno necesita imbia alla comida, medicina, ropa y otra pa necesidades de la vida.
Si atrasa el gobierno el engranda ese problema hasta llega el tiempo donde el queda este un tragedia para de todo…
CDZ031213
Grande problema region
El Maga diferente sector na Mindanao debe man junto junto firme para discuti manera para mejora situation na region.
Talli maga grande grande problema que no puede resolve solamente al gobierno local.
Necesita ya entra maga diferente sector para ayuda pensa y empoja maga solution coneste maga problema.
Por ejemplo na problema de blackout na ciudad, mucho alli manera para alivia coneste condicion.
El maga diferente sector el puede sugeri solution.
Talli tamen el problema del guerra na sabah.
Puede este maga sector ayuda conel gobierno busca manera para resolve conel problema.
Ta habla sila ,, two or more heads are better than one.
Que quiere decir mas mucho cabesapensante mas mucho solution puede kita busca para resolve problema.
No kita pensa que un persona solamente como lider de un lugar puede resolve maga problema.
Mas bueno mucho maga propuesto solution, que uno solamente resolution,
CDZ031113
Reclamo contra blackout
Mucho ya alli ta reclama conel grabe ya maga blackout aquí na ciudad.
Aunque ta habla sila cuatro hora lang el blackout na un dia de dos hora caba blackout, ta
sobra el hora de blackout na ciudad.
Por ejemplo dl sabado ya principia el blackout alli na tugbungan alas siete del aga hasta ala
una del tarde . y después ya tiene tamen cuatro hora del noche.
Pero según na report, el perde ya daw este maga blackout na anio 2016 o tres anios
después este dia.
Hende man el perde el blackout de dayun pero el zamcelco ya firma ya maga contrato para
aploja conel blackout na ciudad.
Ya firma del viernes el zamcelco contrato conel mapalad power corporation de iligan
para dale corriente conel zamcelco. El dalida de corriente desde mapalad pedaso por
pedaso hasta completa ya el quota deila na junio.
Ya firma tamen el zamcelco contrato conel san ramon power incoporated quien el
puede dale todo el 87 megawatts que necesita el ciudad asta el llegar ese anio 2016.
No hay pa construyi conese planta de corriente que el usa carbon alli na san ramon.
Ya tiene ya sila groundbreaking del planta alli adentro del san ramon del otro mes.
El principia ya construi conel planta de carbon na maga meses que viene.
Fuera de ese planta de carbon talli tamen el plano para compone conese
hydroelectric plant na pasonanca.
Si habla sila compone, que quiere decir el compone lang sila conese planta talli na
costao del boy scout camp cerca na tree house.
Actualmente ese el primer planta de corriente ya construyi maga americano cuando
ya ocupa sila zamboanga desde el anio 1900 pa arriba.
Este el primer planta de corriente ya construi aquí na Mindanao.
Si na maga otro civilisao lugar na mundo, ta cuida sila conese clase maga planta
siendo no hay mas de ese ma mundo. Tiene ya segurao ese planta na pasonanca el
edad de dos siglos o mas de dos cientos anio.
Pero por medio de este maga plano.. el logra ya el ciudad de zamboanga bastante
corriente para mejora tamen este ciudad aquí na punta del peninsula…
0 comments:
Post a Comment